Конкурсқа қатысуға құжаттарды тапсыру ағымдағы жылдың 10 маусымы мен 13 тамызы аралығында (екі күнді қоса алғанда) mektep.sitsen.kz сайтында электронды жүйе арқылы жүзеге асырылады. Конкурсқа қатысу үшін келесі құжаттар ұсынылады:

                1)Ата-анасының (заңды өкілінің) өтініші;

               Ескерту: Өтініш білім ұйымының бағыты нақты (жаратылыстану-математикалық бағытында екендігі немесе қоғамдық-гуманитарлық бағытында екендігі) көрсетіліп беріледі.

               2) Үміткердің ЖСН көрсетілген (қоса берілген) туу туралы куәлігінің көшірмесі;

               3) Тиісті білім беру ұйымының мөрімен бекітілген үміткердің оқудағы жетістіктерін растайтын құжаттардың көшірмелері;

               4) 3х4 көлеміндегі екі фотосурет;

               5) 5-6 сыныптардағы үлгерім табельдерінің көшірмелері.

               Ата-ананың (заңды өкілдің) электронды жүйе арқылы жоғарыдағы құжаттарды тапсыруға мүмкіндігі болмаған жағдайда мектеп-интернат базасында оның қызметкерлерінің көмегімен электронды құжат тапсыра алады. Бекітілген мерзімнен кеш ұсынылған өтініш конкурсқа қатысуға құжаттарды қабылдамауға негіз болып табылады.

               Конкурс екі кезеңде өткізіледі.

               Бірінші кезең 2019 жылғы 15 тамыз күні мектеп-интернат базасында электронды түрде компьютер арқылы логика және ағылшын тілі пәндерінен онлайн тест түрінде өткізіледі.

               Екінші кезең 2019 жылғы 16 тамыз күні мектеп-интернат базасында математика, қазақ тілінен жазбаша түрде өтеді. Қабылдау екінші турдың нәтижесін басшылыққа алып өтеді.